ന്യൂഡല്‍ഹി: സുനന്ദാ പുഷ്‌കറിന്റെ മരണവുമായി ബന്ധപ്പെട്ട് തന്നെ അപകീര്‍ത്തിപ്പെടുത്താന്‍ ശ്രമം നടക്കുന്നതായി ശശി തരൂര്‍. ഭാര്യയുടെ മരണവുമായി ബന്ധപ്പെട്ട് തനിക്കെതിരേ ഉയര്‍ന്ന ആരോപണങ്ങളെല്ലാം അദ്ദേഹം തള്ളി. ട്വിറ്ററിലുടെ പ്രതികരിക്കുകയായിരുന്നു അദ്ദേഹം. കേസില്‍ ഡല്‍ഹി പൊലിസ് സമര്‍പ്പിച്ച കുറ്റപത്രം സ്വീകരിച്ച പട്യാല ഹൗസ് കോടതി തരൂരിനോട് ജൂലൈ ഏഴിന് ഹാജരാകാന്‍ ആവശ്യപ്പെട്ടിരിക്കുകയാണ്.
കേസിന്റെ ആദ്യം മുതല്‍ തന്നെ അന്വേഷണവുമായി താന്‍ പൂര്‍ണമായി സഹകരിക്കുന്നുണ്ടെന്നും നിയമനടപടികളുമായി മുന്നോട്ട് പോകുമെന്നും അദ്ദേഹം പറഞ്ഞു.