മലപ്പുറം: വിജിലന്‍സ് ഡയറക്ടര്‍ സ്ഥാനത്തുനിന്ന് ജേക്കബ് തോമസിനെ മാറ്റിയത് സ്വാഗതം ചെയ്ത് കെപിസിസി പ്രസിഡന്റ് എം.എം. ഹസന്‍. ജേക്കബ് തോമസ് മാലാഖയോ വിശുദ്ധനോ അല്ല. അഴിമതി ആരോപിതനായ ഒരാള്‍ അഴിമതി കേസ് അന്വേഷിക്കുന്നത് ശരിയല്ലെന്നും അദ്ദേഹം പറഞ്ഞു.മലപ്പുറത്ത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം. 

ജിഷ കേസിലെ അന്വേഷണം അട്ടിമറിക്കാന്‍ വിജിലന്‍സ് ശ്രമിച്ചുവെന്നും അദ്ദേഹം കൂട്ടിച്ചേര്‍ത്തു.

വിജിലന്‍സ് തത്തയ്ക്ക് പിണറായി വിജയന്‍ ചരമഗീതം പാടിയെന്നും അഴിമതി വിരുദ്ധത അവകാശപ്പെട്ട് സര്‍ക്കാര്‍ ജനങ്ങളെ പറ്റിച്ചുവെന്നും ചെന്നിത്തല നേരത്തെ പറഞ്ഞിരുന്നു. ഇതിനു പിന്നാലെയാണ് ഹസന്റെ പ്രതികരണം.