ശ്രീകണ്ഠപുരം: എസ്.ഇ.എസ് കോളജില്‍ കെ.എസ്.യു-എസ്.എഫ്.ഐ സംഘര്‍ഷത്തില്‍ ആറുപേര്‍ക്ക് പരുക്ക്. 

എസ്.എഫ്.ഐ പ്രവര്‍ത്തകരായ കരിമ്പം കണിച്ചാറിലെ എസ്.പി അശ്വിന്‍, കല്യാട്ടെ ബി അര്‍ജുന്‍, ചെമ്പന്തൊട്ടിയിലെ ബിമല്‍ ബാബു എന്നിവര്‍ തളിപ്പറമ്പ് സഹകരണാശുപത്രിയിലും കെ.എസ്.യു പ്രവര്‍ത്തകരായ പാനൂരിലെ പ്രജിന്‍ പാറായി, വിനില്‍, ജിത്തുജോസ് എന്നിവര്‍ ലൂര്‍ദ് ആശുപത്രിയിലും ചികിത്സ തേടി.
കോളജില്‍ കെ.എസ്.യു സ്ഥാപിച്ച ബോര്‍ഡ് കീറിയെന്നാരോപിച്ച് ഒരുസംഘം തങ്ങളെ അക്രമിക്കുകയായിരുന്നുവെന്ന് എസ്.എഫ്.ഐ ആരോപിച്ചു. എന്നാല്‍ ക്യാംപയിനിങ്ങിന്റെ പേരില്‍ വ്യക്തിപരമായി തേജോവധം ചെയ്യുന്നുവെന്നാരോപിച്ചാണ് എസ്.എഫ്.ഐ പ്രവര്‍ത്തകര്‍ തങ്ങളെ അക്രമിച്ചതെന്ന് കെ.എസ്.യു നേതാക്കള്‍ ആരോപിച്ചു.