കൊല്ലം: സുന്നി യുവജന സംഘം പ്രസിഡന്റായിരുന്ന പാണക്കാട് സയ്യിദ് ഉമറലി ശിഹാബ് തങ്ങളുടെ പേരിലുള്ള റിലീഫ് (ഉറവ്) പ്രവര്‍ത്തനം ഊര്‍ജിതമാക്കാന്‍ എസ്.വൈ.എസ് ഇരവിപുരം നിയോജക മണ്ഡലം കമ്മിറ്റി യോഗം തീരുമാനിച്ചു. സംസ്ഥാന സെക്രട്ടറിയേറ്റ് മെമ്പര്‍ എസ് അഹമ്മദ് ഉഖൈല്‍ ഉദ്ഘാടനം ചെയ്തു.
എസ്.വൈ.എസ് കൊല്ലം ജില്ലാ കമ്മിറ്റിയുടെ 'ജലം അമൂല്യമാണ്' കാംപയിനോടനുബന്ധിച്ച് നിയോജകമണ്ഡലം കമ്മിറ്റിയുടെ നേതൃത്വത്തില്‍ ലഘുലേഖകള്‍ വിതരണം ചെയ്തു. മജ്‌ലിസുന്നൂര്‍ പ്രവര്‍ത്തനക്ഷമമാക്കാനും യോഗം തീരുമാനിച്ചു. പോളയത്തോട് റഹീം അധ്യക്ഷത വഹിച്ചു. എസ്.എം നിലാമുദ്ദീന്‍ മുസ്‌ലിയാര്‍, എസ് മുഹമ്മദ് ഷാ, അന്‍സര്‍ പള്ളിമുക്ക്, എസ് മുഹമ്മദ് സുഹൈല്‍, ഷാജഹാന്‍ മുസ്‌ലിയാര്‍, ഐ. സുലൈമാന്‍ കുഞ്ഞ് പ്രസംഗിച്ചു.