ചിറ്റൂര്‍: മിനി സിവില്‍ സ്റ്റേഷനില്‍ എത്തുന്നവര്‍ക്ക് കുടിവെള്ളം സജ്ജീകരിക്കണമെന്ന് ആവശ്യം ശക്തമായി. ഇരുപതിലധികം സര്‍ക്കാര്‍ ഓഫിസുകള്‍ പ്രവര്‍ത്തിക്കുന്ന ചിറ്റിര്‍ മിനി സിവില്‍സ്‌റ്റേഷനില്‍ എത്തുന്നവര്‍ക്ക് കുടിവെള്ളമില്ലാത്തതിനാല്‍ ഓഫിസുകളിലെത്തുന്ന നാട്ടുകാര്‍ പ്രതിസന്ധി നേരിടുകയാണ്. കുടിവെള്ളത്തിനുള്ള സജ്ജീകരണം നടത്തണമെന്ന് ഉദ്ഘാടന സമയത്തുതന്നെ നാട്ടുകാര്‍ ചിറ്റൂര്‍ തഹസില്‍ദാരിനോട് ആവശ്യപെട്ടിട്ടും നടപ്പാക്കാത്തതിനാല്‍ സാധാരണക്കാര്‍ക്ക് വെള്ളമില്ലാത്ത അവസ്ഥയാണുണ്ടായിട്ടുള്ളത്.