തിരുവനന്തപുരം: സംസ്ഥാനത്ത് ഇന്ന് 13 പേര്‍ക്ക് കൂടി കൊവിഡ്- 19 സ്ഥിരീകരിച്ചതായി മുഖ്യമന്ത്രി പിണറായി വിജയന്‍ അറിയിച്ചു.

• കാസര്‍കോട്- 9
• മലപ്പുറം- 2
• കൊല്ലം- 1
• പത്തനംതിട്ട- 1

കാസര്‍കോട്ട് സ്ഥിരീകരിച്ചതില്‍ 6 പേര്‍ വിദേശത്തു നിന്നു വന്നവരാണ്. മൂന്ന് പേര്‍ക്ക് രോഗികളുമായുള്ള സമ്പര്‍ക്കത്തിലൂടെ പകര്‍ന്നതാണ്. കൊല്ലത്തും മലപ്പുറത്തുമുള്ളവര്‍ നിസാമുദ്ദീനില്‍ തബ്‌ലീഗ് സമ്മേളനത്തില്‍ പങ്കെടുത്തവരാണ്. പത്തനംതിട്ട സ്വദേശി വിദേശത്തുനിന്ന് വന്നതാണ്.

ഇതോടെ, സംസ്ഥാനത്ത് മൊത്തം രോഗം സ്ഥിരീകരിച്ചവരുടെ എണ്ണം 327 ആയി ഉയര്‍ന്നു. നിലവില്‍ 266 പേരാണ് ചികിത്സയിലുള്ളത്.