വെഞ്ഞാറമൂട്: മാലിന്യം നീക്കം ചെയ്യാനുളള വാഹനത്തിന് ഡ്രൈവറില്ലെന്ന് പറഞ്ഞു അധികൃതര്‍ കൈമലര്‍ത്തിയതോടെ വെഞ്ഞാറമൂട് ചന്തയില്‍ മാലിന്യ നീക്കം നിലച്ചു. ദിവനംപ്രതി നൂറുകണക്കിനു പേര്‍ വന്നു പോകുന്ന ചന്തയില്‍ മിക്കയിടങ്ങളിലും മാലിന്യം കുന്നുകൂടി കിടക്കുകയാണ്. ചന്തയില്‍ മാത്രമല്ല വെഞാറമൂടിന്റെ വിവിധഭാഗങ്ങളിലും ഇതാണ് സ്ഥിതി. മാലിന്യംനീക്കം ചെയ്യേണ്ട നെല്ലനാട് പഞ്ചായത്ത് അധികൃതരുടെ അനാസ്ഥയാണ് ചന്തയിലും പൊതു ഇടങ്ങളിലും എത്തുന്നവരെ ദുരിതത്തിലാക്കിയിരിക്കുന്നത്. മാലിന്യംനീക്കംചെയ്ത് വന്നിരുന്ന പഞ്ചായത്തിന്റെ ട്രാക്ടറിന്റെ ഡ്രൈവര്‍ സ്ഥലം മാറിപ്പോയതോടെയാണ് മാലിന്യനീക്കം നിലച്ചത്. ഇത്രയും ദിവസമായിട്ടും പുതിയ ഡ്രൈവറെ നിയമിക്കാനോ പകരം സംവിധാനം ഏര്‍പ്പെടുത്താനോ അധികൃതര്‍ തയാറായിട്ടില്ല