സുല്‍ത്താന്‍ ബത്തേരി: കാട്ടാനശല്യത്തില്‍ പൊറുതിമുട്ടി ടൗണിന് സമീപത്തെ മുള്ളന്‍കുന്ന് പ്രദേശം.
കഴിഞ്ഞ ഏതാനും നാളുകളായി പ്രദേശത്ത് കാട്ടാനയെത്തുന്നത് പതിവായിരിക്കുകയാണ്. വനാതിര്‍ത്തിയിലെ പ്രതിരോധ വൈദ്യുതി കമ്പിവേലി അടക്കം തകര്‍ത്താണ് കാട്ടാന പ്രദേശത്തെത്തുന്നത്. കഴിഞ്ഞദിവസം ഇറങ്ങിയ കാട്ടാന പ്രദേശത്തെ അങ്കണവാടിയുടെ ഗെയിറ്റ് തകര്‍ത്തു. കൂടതെ ടൗണിന് തൊട്ടടുത്ത് വരെ എത്തി എസ്.ബി.ടി ബാങ്കിനു സമീപം നിര്‍ത്തിയിട്ടിരുന്ന ബൈക്കും തകര്‍ത്തിരുന്നു. ആനയിറങ്ങുന്നത് പതിവായതോടെ സന്ധ്യമയങ്ങിയാല്‍ പ്രദേശത്തുള്ളവര്‍ ഭീതിയിലാണ് കഴിയുന്നത്. കാട്ടാനശല്യത്തിന് പരിഹാരം കാണാന്‍ അടിയന്തര നടപടിയുണ്ടാകണമെന്ന ആവശ്യം ശക്തമായിരിക്കുകയാണ്.