നെടുമങ്ങാട്: സൈക്കിള്‍ നിയന്ത്രണം തെറ്റി തോട്ടില്‍ വീണ് വിദ്യാര്‍ഥി മരിച്ചു. കുറ്റിച്ചല്‍ അരുകില്‍ വടക്കുംകര ഹര്‍സീന മന്‍സിലില്‍ ഹാഷിം റജില ദമ്പതികളുടെ മകന്‍ ഹസീസ് (14) ആണ് മരിച്ചത്. ഇന്നലെ വൈകിട്ട് മൂന്നരയോടെയായിരുന്നു അപകടം.
ഹസീസും സുഹൃത്തും കുളിക്കാനായി സൈക്കിളില്‍ വരവേ കുന്നിന്‍പുറത്ത് പാലത്തിന് സമീപത്തു വെച്ച് എതിരേ വന്ന ലോറി കണ്ട് ഭയന്ന് പാലത്തിലേയ്ക്ക് സൈക്കിള്‍ ഇറക്കുന്നതിനിടയില്‍ അവിടെയുള്ള വിടവിലൂടെ തോട്ടിലേയ്ക്ക് വീഴുകയായിരുന്നു.തോട്ടിലെ പാറക്കല്ലുകളില്‍ തലയടിച്ചു വീണ ഹസീസിനെ ആശുപത്രിയിലേക്കു കൊണ്ടുപോയെങ്കിലും വഴിമധ്യേ മരിച്ചു.
മൃതദേഹം മെഡിക്കല്‍ കോളേജ് മോര്‍ച്ചറിയിലേയ്ക്ക് മാറ്റി.ഹസീന സഹോദരിയാണ്. പുറകിലിരുന്ന സുഹൃത്ത് നിയന്ത്രണം വിട്ട സൈക്കിളില്‍ നിന്നും ചാടിയതിനാല്‍ രക്ഷപ്പെട്ടു.ഉത്തരംകോട് ഇരുവേലി ഹൈസ്‌ക്കൂളിലെ ഒന്‍പതാംക്ലാസ് വിദ്യാര്‍ഥയാണ് മരിച്ച ഹസീസ്.