അമ്പലപ്പുഴ: വില്‍പനയ്ക്കായി എത്തിച്ച കഞ്ചാവുമായി യുവാവ് പിടിയില്‍. എറണാകുളം പെരുമ്പാവൂര്‍ കോട്ടയില്‍ വീട്ടില്‍ കബീര്‍ (35)നെയാണ് ആലപ്പുഴ എക്‌സൈസ് സി.ഐ വിനയകുമാറിന്റെ നേതൃത്വത്തിലുള്ള സംഘം ഇന്നലെ പുലര്‍ച്ചെ ആറോടെ പിടികൂടിയത്. ഇയാളില്‍നിന്ന് രണ്ടുകിലോ കഞ്ചാവാണ് പിടിച്ചെടുത്തത്.
പുന്നപ്ര കെ.എസ്.ഇ.ബി സബ്‌സ്‌റ്റേഷന് സമീപത്തുനിന്നാണ് ഇയാളെ പിടികൂടിയത്. പ്രതി പുന്നപ്രയുടെ വിവിധ ഭാഗങ്ങളില്‍ കഞ്ചാവ് എത്തിച്ച് വില്‍പന നടത്തിവരുന്നതായി എക്‌സൈസ് ഇന്റലിജന്‍സ് വിഭാഗത്തിന് വിവരം ലഭിച്ചിരുന്നു.
തുടര്‍ന്ന് പിന്തുടര്‍ന്നെത്തി പിടികൂടുകയായിരുന്നു.
പ്രതിയെ ആലപ്പുഴ സെഷന്‍സ് കോടതിയില്‍ ഹാജരാക്കി റിമാന്‍ഡ് ചെയ്തു.