പെരിങ്ങത്തൂര്‍: പനിയും മഴക്കാല രോഗങ്ങളും സജീവമായിരിക്കെ റോഡരികില്‍ മാലിന്യം ചാക്കില്‍ കെട്ടി ഉപേക്ഷിക്കുന്ന സംഭവങ്ങള്‍ പതിവാകുന്നു.
പാനൂര്‍ നഗരസഭാ പരിധിയിലെ ചെറു പുല്ലൂക്കര സൈഫ് നഗര്‍ പഞ്ചാര മുക്കില്‍ മാലിന്യം തള്ളുന്നത് പരാതിപ്പെട്ടിട്ടും നടപടിയില്ലെന്ന് നാട്ടുകാര്‍.
ജനവാസ മേഖലയില്‍ മാലിന്യം തള്ളുന്നത് പ്രദേശത്ത് ആരോഗ്യ പ്രശ്‌നങ്ങള്‍ക്ക് കാരണമാവുമെന്ന് നാട്ടുകാര്‍ ഭയപ്പെടുന്നുണ്ട്.
പെരിങ്ങത്തൂര്‍, മോന്താല്‍ പുഴകളിലും മാലിന്യം വലിച്ചെറിയുന്നത് നിത്യ സംഭവമാണ്. പുറത്ത് നിന്നും വരുന്നവരാണ് മാലിന്യങ്ങള്‍ പുഴയിലേക്ക് വലിച്ചെറിയുന്നതെന്ന് പരാതിയുണ്ട്.
മാലിന്യം തള്ളുന്നവര്‍ക്കെതിരേ കര്‍ശന നടപടിയെടുക്കണമെന്നാണ് നാട്ടുകാരുടെ ആവശ്യം.