പയ്യന്നൂര്‍: നിസ്‌കാരത്തെ ചൊല്ലി സംഘര്‍ഷം നിലനില്‍ക്കുന്ന എട്ടിക്കുളം തഖ്‌വ പള്ളി സബ്കലക്ടര്‍ സന്ദര്‍ശിച്ചു. പള്ളിയുമായി ബന്ധപ്പെട്ട് ഹൈക്കോടതിയില്‍ കേസ് നിലനില്‍ക്കുന്ന സാഹചര്യത്തിലാണു ഹൈക്കോടതി റിപ്പോര്‍ട്ട് ആവശ്യപ്പെട്ടത്. ഇതിന്റെ അടിസ്ഥാനത്തിലാണു സബ്കലക്ടര്‍ ചന്ദ്രശേഖര്‍ ഇന്നലെ ഉച്ചയോടെ എട്ടിക്കുളത്തെത്തിയത്. രാമന്തളി വില്ലേജ് ഓഫിസറും സ്ഥലത്തെത്തിയിരുന്നു.