കണ്ണൂര്‍: എസ്.കെ.എസ്.എസ്.എഫ് ജില്ലാകമ്മിറ്റി പരിസ്ഥിതി ദിനം ആചരിച്ചു. പരിസരത്തേയും പരിസ്ഥിതിയേയും മാലിന്യങ്ങളില്‍നിന്നു സംരക്ഷിക്കാന്‍ വേണ്ടിയുള്ള പരിപാടികള്‍ ഇതിന്റെ ഭാഗമായി നടത്തി. നാം അതിവസിക്കുന്ന ഭൂമിയേയും ഇതില്‍ അതിവസിക്കുന്ന വസ്തുക്കളേയും സുരക്ഷിതമായി നിലനിര്‍ത്താനുള്ള ബാധ്യതകള്‍ ഓരോ വ്യക്തിക്കുമുണ്ടെന്ന ഓര്‍മപ്പെടുത്തലാണു പരിസ്ഥിതി ദിനത്തില്‍ നടന്നത്. പ്ലാസിറ്റിക് മാലിന്യങ്ങള്‍ വര്‍ജിക്കല്‍, പരിസരം വൃത്തിയാക്കല്‍, ഫലവൃക്ഷതൈ നടീല്‍, ഒരു വീട്ടില്‍ ഒരു കറിവേപ്പില തൈ, പരിസ്ഥിതി സംരക്ഷണ പ്രതിജ്ഞ തുടങ്ങിയവ ശാഖകളില്‍ നടന്നു.