തിരുന്നാവായ: തിരൂര്‍ ആര്‍.ഡി.ഒയുടെ നേതൃത്വത്തില്‍ ഭാരതപ്പുഴയുടെ വിവിധ മണല്‍ കടവുകളില്‍ നടത്തിയ മിന്നല്‍ പരിശോധനയില്‍ അനധികൃതമായി ശേഖരിച്ചുവച്ച മണല്‍ ശേഖരങ്ങള്‍ പിടിച്ചെടുത്തു. തൃപ്രങ്ങോട് പഞ്ചായത്തിലെ കനാല്‍ റോഡ് കടവ്, മൂച്ചിക്കല്‍, പള്ളിക്കടവ് എന്നിവിടങ്ങളിലായി ശേഖരിച്ചുവച്ച 50 ലോഡ് മണലാണ് റവന്യുസംഘം പിടിച്ചെടുത്തത്.
പിടിച്ചെടുത്ത മണല്‍ തിരൂര്‍ മിനി സിവില്‍ സ്റ്റേഷന്‍ കോംപൗണ്ടിലേക്കു മാറ്റി.
ആര്‍.ഡി.ഒ ജെ. മോബി, ഹെഡ്ക്വാര്‍ട്ടേഴ്‌സ് ഡെപ്യൂട്ടി തഹസില്‍ദാര്‍ പി. ഉണ്ണി, ടി.എസ് അനീഷ് കുമാര്‍ എന്നിവരടങ്ങിയ സംഘമാണ് കടവുകളില്‍ പരിശോധന നടത്തിയത്.