തിരൂരങ്ങാടി: കഴിഞ്ഞ രണ്ടു ദിവസങ്ങളിലായി എ.ആര്‍ നഗര്‍ പഞ്ചായത്തിലെ വിവിധഭാഗങ്ങളില്‍ നടന്ന തെരുവുനായ്ക്കളുടെ ആക്രമണത്തില്‍ നിരവധി പേര്‍ക്ക് പരുക്കേറ്റു. വീണ്ടും ആക്രമിക്കാന്‍ തുനിഞ്ഞ നായയെ നാട്ടുകാര്‍ കൊന്നു. ഇന്നലെ മമ്പുറം വെട്ടത്ത്ബസാര്‍ പരിസരങ്ങളില്‍ നടന്ന ആക്രമണത്തിലാണ് മമ്പുറം ജി.എല്‍.പി സ്‌കൂള്‍ വിദ്യാര്‍ഥിനി തയ്യില്‍മുഖംവീട്ടില്‍ ജാലിയ(6), സാമു (65) എന്നിവര്‍ക്ക് പരുക്കേറ്റത്. പ്രദേശത്ത് ആശാരിപ്പണി നടത്തുകയായിരുന്ന കല്ലിടുമ്പില്‍ ബാലനെ ആക്രമിക്കുന്നതിനിടെ നായയെ നാട്ടുകാര്‍പിടികൂടി കൊല്ലുകയായിരുന്നു. വെള്ളിയാഴ്ച എ.ആര്‍ നഗര്‍ ബാബുരാജ് (48), നീലകണ്ഠന്‍(62), സൈതലവി(44), മമ്പുറം ചെമ്മങ്ങാട്ട് ഉനൈസ്(10) എന്നിവര്‍ക്ക് നായയുടെ ആക്രമണത്തില്‍ പരുക്കേറ്റിരുന്നു. പരുക്കേറ്റവരെ തിരൂരങ്ങാടി താലൂക്കാശുപത്രിയില്‍ പ്രവേശിപ്പിച്ചു.