മനാമ: ശഅബാന്‍ 15ാം രാവായ ബറാഅത്ത് രാവ് യു.എ. ഇ, ഒമാന്‍ ഒഴികെയുള്ള ഗള്‍ഫ് നാടുകളില്‍ ഏപ്രില്‍ 7 ന് ചൊവ്വാഴ്ച രാത്രി ആചരിക്കും.

അതേ സമയം യു.എ. ഇ, ഒമാന്‍ എന്നിവിടങ്ങളിലും കേരളത്തിലും ബറാഅത്ത് രാവ് ഏപ്രില്‍ 8ന് ബുധനാഴ്ച രാത്രിയാണ്.

സമസ്ത നേതാക്കളുടെ അറിയിപ്പനുസരിച്ച് കേരളത്തില്‍ ബറാഅത്ത് രാവ് ബുധനാഴ്ചയും ഇതോടനുബന്ധിച്ചുള്ള പ്രത്യേക സുന്നത്തു നോമ്പ് വ്യാഴാഴ്ചയുമാണ്.

സമസ്ത ബഹ്‌റൈന്‍ നേതൃത്വത്തില്‍ പ്രമുഖര്‍ പങ്കെടുക്കുന്ന ബറാഅത്ത് ദിന ആത്മീയ സംഗമം ഇന്ന്(ചൊവ്വ) രാത്രി 6.30 മുതല്‍ ഓണ്‍ലൈനില്‍ നടക്കുമെന്ന് ബന്ധപ്പെട്ടവര്‍ അറിയിച്ചു.

യു.എ ഇ ഔഖാഫ് വൃത്തങ്ങളില്‍ നിന്നും കഴിഞ്ഞ ദിവസം അവസാനമായി ലഭിച്ച വിവരമനുസരിച്ച് യു.എ. ഇയില്‍ ശഅബാന്‍ 15 ന്റെ രാവ് ബുധനാഴ്ചരാത്രിയായിരിക്കുമെന്ന് യുഎഇ സുന്നികൗണ്‍സില്‍ അറിയിച്ചു.
ഇതടിസ്ഥാനത്തില്‍ യു.എ.ഇയില്‍ പ്രത്യേക സുന്നത്ത് നോമ്പ് വ്യാഴാഴ്ചയായിരിക്കും.