തിരൂരങ്ങാടി: നന്നമ്പ്ര പഞ്ചായത്തില്‍ എസ്.സി യുവാക്കള്‍ക്കുള്ള ഓട്ടോറിക്ഷ വിതരണം ചെയ്തു. 201617 പദ്ധതിയില്‍ ഉള്‍പ്പെടുത്തി നാല് ഓട്ടോറിക്ഷകളാണ് വിതരണം ചെയ്തത്. പഞ്ചായത്ത് പ്രസിഡന്റ് എം.പി മുഹമ്മദ് ഹസ്സന്‍ യുവാക്കള്‍ക്ക് ഓട്ടോയുടെ ചാവി കൈമാറി ഉദ്ഘാടനം ചെയ്തു. വൈസ് പ്രസിഡന്റ് കാവുങ്ങല്‍ ഫാത്തിമ അധ്യക്ഷയായി. ഊര്‍പ്പായി സൈതലവി, തേറാമ്പില്‍ ആസ്യ, ഇ.പി മുജീബ് മാസ്റ്റര്‍, മറ്റു മെമ്പര്‍മാര്‍ സംബന്ധിച്ചു.