എടവണ്ണപ്പാറ: ചീക്കോട് ക്ലസ്റ്റര്‍ എസ്.കെ.എസ്.എസ്.എഫ് സെക്രട്ടറിക്കു നേരെ കാന്തപുരം സുന്നികള്‍ നടത്തിയ അക്രമത്തിലും വധ ഭീഷണിക്കെതിരെയും എടവണ്ണപ്പാറ മേഖല എസ്.കെ.എസ്.എസ്.എഫും ചീക്കോട് ക്ലസ്റ്റര്‍ എസ്.കെ.എസ്.എസ്.എഫും പ്രതിഷേധിച്ചു.
പൊലിസ് മധ്യസ്ഥതയില്‍ നടന്ന ചര്‍ച്ചയില്‍ പ്രശ്‌നങ്ങള്‍ പരിഹരിച്ചിരുന്നെങ്കിലും കഴിഞ്ഞ ദിവസം നിസ്‌കരിക്കാനായി പള്ളിയില്‍ എത്തിയ നിഷാദിനെ ഇവര്‍ വീണ്ടും അക്രമിക്കുകയായിരുന്നു.
കഴിഞ്ഞ ദിവസം നിഷാദിനെതിരേ വധ ഭീഷണിയും ഇവര്‍ മുഴക്കിയിരുന്നു.
പരിശുദ്ധ റമദാന്‍ മാസത്തില്‍ നാടുകളില്‍ പ്രശ്‌നങ്ങളുണ്ടാക്കുന്നനെതിരേ യോഗം ശക്തമായി പ്രതിഷേധം രേഖപ്പെടുത്തി. ശുക്കൂര്‍ വെട്ടത്തൂര്‍, യൂനുസ് ഫൈസി വെട്ടുപാറ,സമദ് മാസ്റ്റര്‍ വാഴയൂര്‍, ബുശൈര്‍ വെട്ടുപാറ,സിദ്ദീഖ് കാമശ്ശേരി തുടങ്ങിയവര്‍ പങ്കെടുത്തു.