എടപ്പാള്‍: നിയന്ത്രണം വിട്ട കാര്‍ റോഡരുകിലെ കലുങ്കിലിടിച്ച് അടുത്ത പറമ്പിലേക്ക് ചെരിഞ്ഞു. അപകടത്തില്‍ ആറ് പേര്‍ക്ക് പരുക്കേറ്റു. ഇന്നലെ പുലര്‍ച്ചെ പന്ത്രണ്ട് മണിക്ക് എടപ്പാള്‍ കാളച്ചാലിലാണ് അപകടം നടന്നത്.
അപകടത്തില്‍ ഇരനെല്ലൂര്‍ സ്വദേശികളായ വത്സല (41), ജയപ്രകാശ് (51) പ്രവീണ്‍ (17), വല്ലപ്പുഴ സ്വദേശിനി ഇന്ദിര (46), പഴഞ്ഞി സ്വദേശി പ്രവീണ്‍ (31), മഴു വാഞ്ചേരി സ്വദേശിനി ദേവിക (18) പരുക്കേറ്റു.
എടപ്പാള്‍ ഭാഗത്ത് നിന്നും തൃശ്ശൂര്‍ ഭാഗത്തേക്ക് പോകുകയായിരുന്ന ഇന്നോവ കാറാണ് അപകടത്തില്‍ പെട്ടത്. പരുക്കേറ്റവരെ എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചു.