പെരിന്തല്‍മണ്ണ: മങ്കട കൂട്ടിലില്‍ യുവാവിനെ മര്‍ദിച്ചു കൊന്ന സംഭവത്തില്‍ രണ്ടുപേര്‍ കൂടി പൊലീസ് പിടിയിലായി. മങ്കട കൂട്ടില്‍ പട്ടിക്കുത്ത് സക്കീര്‍ഹുസൈന്‍(39), മങ്കട കൂട്ടില്‍ പട്ടിക്കുത്ത് സുഹൈല്‍(30) എന്നിവരെയാണു പെരിന്തല്‍മണ്ണ സി.ഐ എ.എം സിദ്ദീഖിന്റെ നേതൃത്വത്തില്‍ അറസ്റ്റ് ചെയ്തത്.
കഴിഞ്ഞ 28നാണു കൂട്ടിലിലെ കുന്നശ്ശേരി നസീര്‍ ഹുസൈനെ ഒറ്റയ്ക്കു താമസിക്കുന്ന സ്ത്രീയുടെ വീട്ടില്‍ വെച്ചു നാട്ടുകാര്‍ ക്രൂരമായി മര്‍ദിച്ചു കൊലപ്പെടുത്തിയത്. പിടിയിലായവര്‍ സ്ത്രീയുടെ ബന്ധുക്കളാണ്. സംഭവത്തില്‍ സ്ത്രീയുടെ ഭര്‍ത്താവായ കുട്ടിഹസന്റെ വീടിന്റെ വാതില്‍ ചവിട്ടിപൊളിച്ച് അകത്തു കയറി നസീറിനെ മര്‍ദിച്ചവശനാക്കിയതിലെ പ്രധാന പങ്കു വഹിച്ച പ്രതികളാണിവര്‍.
സംഭവം കഴിഞ്ഞു രാവിലെ ഇവര്‍ മുങ്ങുകയായിരുന്നു. തുടര്‍ന്നു വയനാട്, ഗൂഡല്ലൂര്‍, കോഴിക്കോട് എന്നിവിടങ്ങളില്‍ പൊലിസ് അന്വേഷണം നടത്തിയിരുന്നു. ഗൂഡല്ലൂരിലെ ലോഡ്ജില്‍ നിന്നാണു പ്രതികളെ പിടികൂടിയത്. കേസിലെ മറ്റു പ്രതികള്‍ക്ക് വേണ്ടി അന്വേഷണം തുടരുകയാണെന്നും പൊലിസ് അറിയിച്ചു.
സംഭവത്തില്‍ കൂട്ടില്‍ സ്വദേശികളായ പട്ടിക്കുത്ത് അബ്ദുല്‍ ഗഫൂര്‍, ചെണ്ണേന്‍കുന്നന്‍ ഷഫീഖ്, എന്‍.കെ നാസര്‍, എന്‍.കെ ഷറഫുദ്ദീന്‍, എന്നിവരെ അറസ്റ്റ് ചെയ്തു മഞ്ചേരി കോടതിയിലേക്ക് റിമാന്‍ഡ് ചെയ്തിരുന്നു. ഇതോടെ കേസില്‍ അറസ്റ്റ് ചെയ്തവരുടെ എണ്ണം എട്ടായി.
മലപ്പുറം ജില്ലാ പൊലിസ് മേധാവി ദേബേഷ് കുമാര്‍ ബെഹ്‌റ ഐ.പി.എസിന്റെ മേല്‍നോട്ടത്തിലാണു കേസ് അന്വേഷിച്ചത്. പെരിന്തല്‍മണ്ണ ഡി.വൈ.എസ്.പി പി.ടി ബാലന്‍, സി.ഐ എ. എം സിദ്ധീഖ്, മങ്കട എസ്.ഐ എസ്.എച്ച് സഫീര്‍, പി. മോഹന്‍ദാസ്, പി.എന്‍ മോഹനകൃഷ്ണന്‍, എന്‍.ടി കൃഷ്ണകുമാര്‍, എന്‍.വി ഷബീര്‍, അഭിലാഷ് കൈപ്പിനി, സി.പി മുരളി, സന്തോഷ്, രാഗേഷ് ചന്ദ്രന്‍, രാഗേഷ് ചന്ദ്രന്‍, വിദ്യാധരന്‍, വിപിന്‍ എന്നിവരടങ്ങിയ സംഘമാണു പ്രതികളെ അറസ്റ്റ് ചെയ്തത