പാണ്ടിക്കാട്: ജനങ്ങളെ ആശങ്കയിലാക്കിയ തേനീച്ചക്കൂട് പാണ്ടിക്കാട് പൊലിസ് സ്‌റ്റേഷന്റെ കീഴില്‍ പ്രവര്‍ത്തിക്കുന്ന ട്രോമാകെയര്‍ പ്രവര്‍ത്തകര്‍ നീക്കം ചെയ്തു. മഞ്ചേരി റോഡില്‍ പെട്രോള്‍ പമ്പ് പരിസരത്തെ മാടത്തിങ്ങല്‍ കുഞ്ഞാപ്പയുടെ പറമ്പിലെ നാട്ടുമാവില്‍ കൂട്‌വച്ച മലന്തേനിച്ചകളേയാണ് നീക്കം ചെയ്തത്.
ടീം ലീഡര്‍ മുജീബ്, അംഗങ്ങളായ കെ അബ്ദുല്‍സയിന്‍, പി ശിഹാബ്, എം ജാഫര്‍, കെ അഷ്‌റഫ് എന്നിവരുടെനേതൃത്വത്തില്‍ സാഹസികമായാണ് ഭീമന്‍ തേനിച്ചകളെ നീക്കം ചെയ്തത് .