അങ്ങാടിപ്പുറം: ഇന്ന് മുതല്‍ പതിനൊന്ന് ദിവസങ്ങളിലായി നടക്കുന്ന തിരുമാന്ധാംകുന്ന് ഭഗവതി ക്ഷേത്രത്തിലെ പൂരാഘോഷ ഒരുക്കങ്ങളുടെ ഭാഗമായി ശുചിത്വ പരിശോധനകള്‍ ശക്തമാക്കി. പൂര നഗരിയുടെ പരിസരങ്ങളിലെ ആറോളം ജല സ്രോതസുകള്‍ ആരോഗ്യ വകുപ്പ് ക്ലോറിനേറ്റ് ചെയ്ത് ഉപയോഗ യോഗ്യമാക്കി. പൂര നഗരി പ്ലാസ്റ്റിക് രഹിതമാക്കാന്‍ വ്യാപാരികളുടെ സഹകരണവും അഭ്യര്‍ഥിച്ചു.
അനധികൃത കച്ചവടങ്ങള്‍ കര്‍ശനമായി തടയുമെന്നും ഐസ്, ഐസ് ഉല്‍പന്നങ്ങള്‍ എന്നിവ ശുചിത്വ നിലവാരം പാലിച്ചിട്ടില്ലെങ്കില്‍ വില്‍പ്പന അനുവദിക്കില്ലെന്നും പൂര നഗരിയില്‍ പുകയില ഉത്പന്നങ്ങള്‍ ഉപയോഗിക്കുന്നതും വലിക്കുന്നതും ശിക്ഷാര്‍ഹമാണെന്നും അധികൃതര്‍ അറിയിച്ചു. ഭക്ഷണപഥാര്‍ഥങ്ങള്‍ വില്‍പ്പന നടത്തുന്ന സ്ഥാപനങ്ങളില്‍ ഹെല്‍ത്ത് ഇന്‍സ്‌പെക്ടറുടെ നേതൃത്വത്തില്‍ പരിശോധനയും ശക്തമാക്കി.