പരപ്പനങ്ങാടി: നെടുവയില്‍ പരക്കെ മോഷണം. നെടുവ കൊളപ്പുറം തറവാട്ടുപറമ്പിലെ ചന്ദന മരങ്ങള്‍ മോഷണം പോയി. നെടുവ യുവജന സംഘം വായനശാലയിലും മോഷണശ്രമമുണ്ടായി. വാതിലിന്റെ പൂട്ട് തകര്‍ത്ത് അകത്തു കയറിയ മോഷ്ടാവ് സേഫുകളുടെ ലോക്കും തകര്‍ത്തിട്ടുണ്ട്. ഇലക്ട്രോണിക് ഉപകരണങ്ങളൊന്നും കൊണ്ടു പോയിട്ടില്ല. വായനശാലക്കു തൊട്ടടുത്ത പറമ്പിലെ ചന്ദന മരവും മുറിച്ചു കൊണ്ടു പോയിട്ടുണ്ട്. പരപ്പനങ്ങാടി പൊലിസില്‍ പരാതി നല്‍കി.