കോഴിക്കോട്: ദേശീയ ബാലതരംഗം സംസ്ഥാന കമ്മിറ്റി ഏര്‍പ്പെടുത്തിയ രണ്ടാമത് ജവഹര്‍ ബാലസാഹിത്യ പുരസ്‌കാരം മുല്ലപ്പള്ളി നാരായണന്‍ നമ്പൂതിരിക്ക് സമര്‍പ്പിച്ചു. കോഴിക്കോട് പൊലിസ് ക്ലബ് ഓഡിറ്റോറിയത്തില്‍ നടന്ന ചടങ്ങ് ബി.ജെ.പി മുന്‍ സംസ്ഥാന പ്രസിഡന്റ് അഡ്വ. പി.എസ് ശ്രീധരന്‍ പിള്ള ഉദ്ഘാടനം ചെയ്തു. ദേശീയ ബാലതരംഗം സംസ്ഥാന ചെയര്‍മാന്‍ മുന്‍ എം.എല്‍.എ ടി. ശരത്ചന്ദ്രപ്രസാദ് പുരസ്‌കാരം സമര്‍പ്പിച്ചു. സംസ്ഥാന ചീഫ് കോ ഓഡിനേറ്റര്‍ ജഗത്മയന്‍ ചന്ദ്രപുരി അധ്യക്ഷനായി. അനില്‍ബാബു പി, ഗിരീഷ്ആമ്പ്ര, എം.വി കുഞ്ഞാമു, ഫേബ മരിയ സെബാസ്റ്റ്യന്‍, വേണുഗോപാല്‍ കെ, പി.എം. ശരത്കുമാര്‍, കെ.വി ജോണ്‍സന്‍, മുല്ലപ്പള്ളി നാരായണന്‍ നമ്പൂതിരി, അനന്തു നമ്പയില്‍, സക്കരിയ പള്ളക്കണ്ടി സംസാരിച്ചു.