ഇരിട്ടി: അയ്യന്‍കുന്ന് പഞ്ചായത്തിലെ രണ്ടാംകടവ് കളിത്തട്ടും പാറയില്‍ മുള്ളന്‍പന്നിയെ വേട്ടയാടിക്കൊന്ന് ഇറച്ചിയാക്കി ഉണക്കി സൂക്ഷിച്ചയാളെ വനപാലക സംഘം അറസ്റ്റുചെയ്തു . രണ്ടാംകടവ് സ്വദേശി വലിയവീട്ടില്‍ ജെയിംസ്(50 )ആണ് അറസ്റ്റിലായത്. കൊട്ടിയൂര്‍ റെയ്ഞ്ച് ഓഫിസര്‍ക്ക് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ വനപാലകസംഘം നടത്തിയ പരിശോധനയിലാണ് പ്രതി പിടിയിലായത്. ഇയാളില്‍ നിന്നു ആറുകിലോ മുള്ളന്‍പന്നിയുടെ ഉണങ്ങാനിട്ട ഇറച്ചി പിടികൂടി. മുള്ളന്‍പന്നിയെ കെണിവെച്ചു പിടിച്ച സ്ഥലം, പന്നിയുടെ അവശിഷ്ടങ്ങള്‍ കുഴിച്ചിട്ട സ്ഥലം എന്നിവ വനപാലക സംഘം കണ്ടെത്തി.. പ്രതിയെ മട്ടന്നൂര്‍ കോടതി റിമാന്‍ഡ് ചെയ്തു.