മറ്റത്തൂര്‍: സംസ്ഥാന ഔഷധ സസ്യ ബോര്‍ഡും മറ്റത്തൂര്‍ ഗ്രാമ പഞ്ചായത്തും ലേബര്‍ കോഓപ്പറേറ്റിവ് സൊസൈറ്റിയും സംയുക്തമായി നടപ്പിലാക്കുന്ന ഗ്രാമീണം പദ്ധതി സംസ്ഥാന ഔഷധ സസ്യ ബോര്‍ഡ് ചീഫ് എക്‌സിക്യൂട്ടീവ് ഓഫിസര്‍ കെ .ജി ശ്രീകുമാര്‍ ഉദ്ഘാടനം നിര്‍വഹിച്ചു.
മറ്റത്തൂര്‍ ഗ്രാമ പഞ്ചായത്ത് പ്രസിഡന്റ് പി .സി സുബ്രന്‍ അധ്യക്ഷനായി.
ഔഷധി എം.ഡി.കെ ശശീധരന്‍ മുഖ്യാഥിതിയായിരുന്നു. സംസ്ഥാന ഔഷധ സസ്യ ബോര്‍ഡ് ടെക്‌നിക്കല്‍ അസിസ്റ്റന്റ് ഡോ. ഒ എല്‍ പയസ് പദ്ധതി വിശദീകരണം നടത്തി. കൊടകര ബ്ലോക്ക് പഞ്ചായത്ത് വൈസ് പ്രസിഡന്റ് മോഹനന്‍ ചള്ളിയില്‍, മറ്റത്തൂര്‍ പഞ്ചായത്ത് വൈസ് പ്രസിഡന്റ് ബീന നന്ദകുമാര്‍, സ്റ്റാന്റിങ് കമ്മിറ്റി ചെയര്‍മാന്‍ പി .എസ് പ്രശാന്ത്, ചെയര്‍പേഴ്‌സണ്‍ ഷീല തിലകന്‍, വാര്‍ഡ് മെമ്പര്‍മാരായ എ കെ പുഷ്പാകരന്‍, ശ്രീധരന്‍ കളരിക്കല്‍, മോളി തോമസ്, ജോയ് കാവുങ്ങല്‍ കൃഷി അസിസ്റ്റന്റ് നന്ദനന്‍ ആശംസകള്‍ അര്‍പ്പിച്ചു.
മറ്റത്തൂര്‍ ലേബര്‍ കോ ഓപ്പറേറ്റിവ് സൊസൈറ്റി പ്രസിഡന്റ് എ. കെ സുകുമാരന്‍ സ്വാഗതവും, വാര്‍ഡ് മെമ്പര്‍ പി എസ് അംബുജാക്ഷന്‍ നന്ദിയും പറഞ്ഞു.