കണ്ണൂര്‍: അഞ്ചരക്കണ്ടി തട്ടാരിയില്‍ ബി.ജെ.പി പ്രവര്‍ത്തകന്‍ ലിജേഷിനെ വീടാക്രമിച്ച് വീട്ടില്‍കയറി വെട്ടിപരുക്കേല്‍പ്പിക്കുകയും സ്ത്രീകളെ മര്‍ദിക്കുകയും ചെയ്ത സി.പി.എം കാടത്തത്തിനെതിരെ ജനാധിപത്യ വിശ്വാസികള്‍ പ്രതികരിക്കണമെന്നു ബി.ജെ.പി ജില്ലാ പ്രസിഡന്റ് പി. സത്യപ്രകാശ്. തലശ്ശേരി തിരുവാണിച്ചാലിലും സി.പി.എം നടത്തിയ അക്രമത്തില്‍ സ്ത്രീകളടക്കം നാലുപേര്‍ക്കു മാരകമായ പരുക്കേറ്റു. സര്‍വകക്ഷി സമാധാനയോഗം നടന്ന തൊട്ടടുത്ത ദിവസം തന്നെയാണ് ഇത്തരം അക്രമങ്ങള്‍ നടത്തുന്നതു നാട്ടില്‍ സമാധാനം പുലരണമെന്ന് ആഗ്രഹിക്കുന്നതു കൊണ്ടാണു ബി.ജെ.പി പ്രതികരിക്കാതിരിക്കുന്നത് ഇതു ദൗര്‍ബല്യമായി സി.പി.എം കാണരുതെന്നും സത്യപ്രകാശ് പ്രസ്താവനയില്‍ പറഞ്ഞു.