മനാമ: ലോകത്തിന്റെ വിവിധ ഭാഗങ്ങളില്‍ കുടുങ്ങിക്കിടക്കുന്ന പ്രവാസി ഇന്ത്യക്കാരെ തിരികെ നാട്ടിലേക്ക് കൊണ്ടുപോകുന്നതിന് പ്രത്യേക വിമാന സര്‍വീസ് ഏര്‍പ്പെടുത്തണമെന്നും അതിന്നായി കേരള-കേന്ദ്ര സര്‍ക്കാരുകള്‍ ഉടന്‍ ഇടപെടണമെന്നും ബഹ്റൈന്‍ പി.സി.എഫ് തൃശൂര്‍ ജില്ലാ കമ്മിറ്റി
ഭാരവാഹികളായ പസിഡന്റ് ഇന്‍സാഫ് മൗലവി സെക്രട്ടറി നിഷാദ് പാലപ്പിള്ളി എന്നിവര്‍ ആവശ്യപ്പെട്ടു. ജാലിയില്ലാതെയും ശമ്പളം ലഭിക്കാതെയുമായി ബുദ്ധിമുട്ട് അനുഭവിക്കുന്ന ഒരുപാട് പ്രവാസികളുടെ കുടുംബങ്ങള്‍ പട്ടിണിയിലേക്ക് പോകുന്ന സാഹചര്യത്തില്‍ ഗവണ്‍മെന്റുകള്‍ ശാശ്വത പരിഹാരം കാണണമെന്നും അവര്‍ അഭിപ്രായപ്പെട്ടു.