കക്കട്ടില്‍: പരിസ്ഥിതി ദിനത്തിന്റെ ഭാഗമായി വട്ടോളി മഹല്ല് പരിധിയിലുള്ള വീടുകള്‍ കേന്ദ്രീകരിച്ച് എസ്.കെ.എസ്.എസ്.എഫ് വട്ടോളി ശാഖാ കമ്മിറ്റിയുടെ 'ഒരു വീട്ടില്‍ ഒരു വൃക്ഷത്തൈ നടല്‍' പദ്ധതിക്ക് തുടക്കമായി. ഇരുന്നൂറോളം തൈകളാണ് വിതരണത്തിനായി ഒരുക്കിയത്. കുറ്റ്യാടി മേഖല പ്രസിഡന്റ് വി.കെ റിയാസ് മാസ്റ്റര്‍ പ്രദേശത്തെ പരിസ്ഥിതി പ്രവര്‍ത്തകന്‍ കുഞ്ഞിരാമന് ആദ്യ വൃക്ഷത്തൈ നല്‍കി ഉദ്ഘാടനം ചെയ്തു.
വട്ടോളി മിസ്ബാഹുല്‍ ഇസ്‌ലാം മദ്‌റസ അങ്കണത്തില്‍ നടന്ന പരിപാടിയില്‍ കുറ്റ്യാടി മണ്ഡലം എസ്.വൈ.എസ്.വൈസ് പ്രസിഡന്റ് അബ്ദുല്‍ മജീദ് റഹ്മാനി അധ്യക്ഷനായി. മഹല്ല് പ്രസിഡന്റ് കുഞ്ഞബ്ദുള്ള ഹാജി, കെ.കെ അബ്ദുറഹ്മാന്‍ ഹാജി, ഫൈസല്‍ മാസ്റ്റര്‍, അലി ഫൈസി, കെ.കെ അന്‍ഫാസ്, എന്‍.കെ റമീസ് സംബന്ധിച്ചു.