നാദാപുരം: ജോലിക്കെത്തിയ ഇതരസംസ്ഥാനത്തൊഴിലാളികള്‍ നാട്ടുകാര്‍ക്ക് ഇഫ്താര്‍ വിരുന്നൊരുക്കി. ഇന്നലെ നാദാപുരത്താണ് വേറിട്ട അനുഭവങ്ങള്‍ പങ്കിട്ട് രാജസ്ഥാന്‍ സ്വദേശികളായ സദ്ദാമും അസീസും വിരുന്നൊരുക്കിയത്. നാട്ടുകാര്‍ക്കൊപ്പം രാജസ്ഥാന്‍ സ്വദേശികളായ നിരവധി തൊഴിലാളികളും പങ്കാളികളായി.
അസീസും സദ്ദാമും വര്‍ഷങ്ങളായി നാദാപുരം മേഖലയില്‍ മാര്‍ബിള്‍ ജോലിയില്‍ ഏര്‍പ്പെട്ടുവരികയാണ്. കുടുംബ സമേതം ഇവിടെയാണ് ഇവരുടെ താമസം. പ്രാദേശിക വിഭവങ്ങള്‍ക്കൊപ്പം രാജസ്ഥാന്‍ വിഭവങ്ങളും കൂട്ടിച്ചേര്‍ത്തായിരുന്നു ഇഫ്താര്‍ സംഘടിപ്പിച്ചത്. നൂറോളം ആളുകള്‍ വിരുന്നില്‍ പങ്കാളികളായി.