കൂറ്റനാട്: എസ്.കെ.എസ്.എസ്.എഫിന് കീഴില്‍ കേരളത്തിനകത്തും പുറത്തുമായി പ്രവര്‍ത്തിച്ചു വരുന്ന ദര്‍സ്, അറബിക് കോളജ് വിദ്യാര്‍ഥി സംഘടന ത്വലബയുടെ പാലക്കാട് ജില്ലാ സമ്മേളനം ആലൂരില്‍ (കോയക്കുട്ടി ഉസ്താദ് നഗറില്‍) സമാപിച്ചു. രാവിലെ എട്ട് മണിക്ക് ആനക്കര കോയക്കുട്ടി ഉസ്താദിന്റെ സിയാറത്തോടെ ആരംഭിച്ച സമ്മേളന സെഷനുകള്‍ വൈകിട്ട് അഞ്ചു മണിയോടെ സമാപിച്ചു.
എസ്.കെ.എസ്.എസ്.എഫ് പാലക്കാട് ജില്ലാ വൈസ് പ്രസിഡന്റ് ഉമറുല്‍ ഫാറൂഖ് തങ്ങള്‍ ആനക്കര മഖാം സിയാറത്തിന് നേതൃത്വം നല്‍കി. ആലൂര്‍ മഹല്ല് പ്രസിഡന്റ് സി.എ മുഹമ്മദലി ഹാജി പതാക ഉയര്‍ത്തി.
ഉദ്ഘാടന സെഷന്‍ സമസ്ത പാലക്കാട് ജില്ല പ്രസിഡന്റ് സയ്യിദ് കെ.പി.സി തങ്ങള്‍ വല്ലപ്പുഴ ഉദ്ഘാടനം ചെയ്തു. അബ്ബാസ് മളാഹിരി അധ്യക്ഷനായി. ജി.എം സ്വലാഹുദ്ധീന്‍ ഫൈസി വല്ലപ്പുഴ മദീനാ പാഷന്‍ സന്ദേശ പ്രഭാഷണം നടത്തി. മുഹമ്മദ് ത്വയ്യിബ് ആലൂര്‍ സ്വാഗതവും ഇസ്ഹാഖ് അലനല്ലൂര്‍ നന്ദിയും പറഞ്ഞു.
മതേതരത്വം സെഷന്‍ തൃത്താല മണ്ഡലം എം.എല്‍.എ വി.ടി ബല്‍റാം മുഖ്യാതിഥിയായി. മതേതര ഇന്ത്യയുടെ ഭാവിക്ക് ന്യൂനപക്ഷങ്ങളുടെ സുരക്ഷ അനിവാര്യമാണെന്ന് വി.ടി ബല്‍റാം പറഞ്ഞു. എസ്.കെ.എസ്.എസ്.എഫ് പാലക്കാട് ജില്ലാ പ്രസിഡന്റ് സയ്യിദ് ശിഹാബുദ്ധീന്‍ തങ്ങള്‍ വല്ലപ്പുഴ അധ്യക്ഷനായി. മതേതരത്വം ഇന്ത്യയുടെ ഭാവി എന്ന ശീര്‍ഷകത്തില്‍ എസ്.കെ.എസ്.എസ്.എഫ് സംസ്ഥാന സ്പീക്കേഴ്‌സ് ഫോറം ചെയര്‍മാന്‍ അബ്ദുല്‍ ഖാദര്‍ ഫൈസി തലക്കശ്ശേരി പ്രഭാഷണം നടത്തി. റഷീദ് കമാലി മോളൂര്‍ സ്വാഗതവും ഫാഇസ് അലനല്ലൂര്‍ നന്ദിയും പറഞ്ഞു.
ഉച്ചക്ക് ശേഷം നടന്ന ആദര്‍ശം സെഷനില്‍ എസ്.കെ.എസ്.എസ്.എഫ് പാലക്കാട് ജില്ലാ ജനറല്‍ സെക്രട്ടറി ഷമീര്‍ ഫൈസി കോട്ടോപ്പാടം അധ്യക്ഷനായി. സമസ്ത കേരള ജംഇയ്യത്തുല്‍ മുദരിസീന്‍ പാലക്കാട് ജില്ലാ പ്രസിഡന്റ് സയ്യിദ് അബ്ദുറഹ്മാന്‍ ജിഫ്രി തങ്ങള്‍ ഉദ്ഘാടനം ചെയ്തു.
ഇന്നഹു ശംസുല്‍ ഉലമ രചയിതാവ് പി.ടി അബ്ദുറഹ്മാന്‍, ഹബീബ് ഫൈസി കോട്ടോപ്പാടം, ഉബൈദ് ആക്കാടന്‍ വിഷയാവതരണം നടത്തി.
ഹക്കീം തോട്ടര സ്വാഗതവും മുഹമ്മദ് ഹസീബ് വല്ലപ്പുഴ നന്ദിയും പറഞ്ഞു.
വിവിധ സെഷനുകളിലായി ആരിഫ് ഫൈസി തിരുവേഗപ്പുറ, ബാസിത്ത് ഹുദവി ചെമ്പ്ര, ഉവൈസ് പതിയാങ്കര, ബഷീര്‍ ഫൈസി ആനക്കര, ഹൈദരലി സഅദി ആലൂര്‍, ഹംസ ബാഖവി പടിഞ്ഞാറങ്ങാടി, വി. മൊയ്തീന്‍ കുട്ടി മുസ്‌ലിയാര്‍ ആലൂര്‍, അബു മാസ്റ്റര്‍ മല, ഫൈസല്‍ വാഫി, മുഹമ്മദ് കുട്ടി മാസ്റ്റര്‍ , അബ്ദുസ്സലാം അഷ്‌റഫി, പി.വി ഷാജഹാന്‍, ശിഹാബ് മാസ്റ്റര്‍ ആളത്ത്, മൊയ്തുണ്ണി ഹാജി കോട്ടപ്പാടം, യു. ഹൈദ്രോസ് തൃത്താല, കുഞ്ഞാപ്പ ഹാജി, കുഞ്ഞുട്ടി ഹാജി ആലൂര്‍, ടി. അസീസ്, ഹൈദര്‍ ഫൈസി കുമ്പിടി, സൈഫുദ്ധീന്‍ ലത്വീഫി, നൗഫല്‍ മുസ്‌ലിയാര്‍ ആലൂര്‍, ജാബിര്‍ ഫഹീമി ആലൂര്‍, ശറഫുദ്ധീന്‍ ആലൂര്‍ സംബന്ധിച്ചു.