ചാലക്കുടി: ദേശീയപാതയില്‍ പുഴപാലത്തിന് സമീപം മൂന്ന് വാഹനങ്ങള്‍ കൂട്ടിയിടിച്ചു. അങ്കമാലി ഭാഗത്തേക്ക് പോവുകയായിരുന്ന വാഹനങ്ങളാണ് അപകടത്തില്‍പെട്ടത്. ക്വാളീസ്, ഇന്നോവ, സ്വിഫ്റ്റ് എന്നീ വാഹനങ്ങളാണ് ഒന്നിന് പുറകെ ഒന്നായി ഇടിച്ചത്. പുലര്‍ച്ചെ അഞ്ചോടെയായിരുന്നു അപകടം. വാഹനങ്ങള്‍ക്ക് കാര്യമായ കേടുപാടുകള്‍ സംഭവിച്ചിട്ടുണ്ടെങ്കിലും ആളപായമില്ല. അപകടത്തെ തുടര്‍ന്ന് ഒരു മണിക്കൂറോളം ദേശീയപാതയിലെ ഗതാഗതം ഭാഗികമായി തടസ്സപ്പെട്ടു. ചാലക്കുടി പൊലിസെത്തി വാഹനങ്ങള്‍ മാറ്റിയതിനെ തുടര്‍ന്നാണ് ഗതാഗതം പൂര്‍ണാവസ്ഥയിലായത്.