സാന്‍ഫ്രാന്‍സിസ്‌കോ: ലോക്ക്ഡൗണ്‍ കാലത്ത് മിക്കവരും ഉപയോഗിച്ചിരുന്ന സൂം വിഡിയോ കോണ്‍ഫറന്‍സിങ് സോഫ്റ്റ് വെയറില്‍ ഗുരുതര സുരക്ഷാ വീഴ്ച കണ്ടെത്തി. ഇതേ തുടര്‍ന്ന് ഇനി സൂം ഉപയോഗിക്കരുതെന്ന് ഗൂഗിള്‍ അവരുടെ ജീവനക്കാര്‍ക്ക് നിര്‍ദേശം നല്‍കി. ഈയിടെയാണ് തങ്ങളുടെ ജീവനക്കാര്‍ക്ക് ഗൂഗിള്‍ ഇതുസംബന്ധിച്ച നിര്‍ദേശം നല്‍കിയത്. കൊവിഡിന്റെ സമയത്ത് ആളുകള്‍ക്ക് അവരുടെ പ്രൊഫഷനല്‍ ജോലികള്‍ പരിധികളില്ലാതെ സാമൂഹിക വല്‍ക്കരിക്കാനുള്ള വേദിയായാണ് സൂം പ്രചാരം നേടിയത്. ഔദ്യോഗിക ജോലികള്‍ക്ക് സൂം ഉപയോഗിക്കുന്നതിനാണ് ഗൂഗിള്‍ ജീവനക്കാര്‍ക്ക് വിലക്കുള്ളത്. ഔദ്യോഗിക ജോലികള്‍ക്ക് ഉപയോഗിക്കാത്ത ലാപ്പിലോ മൊബൈലിലോ അവര്‍ക്ക് കുടുംബവുമായോ മറ്റോ ഉള്ള ചാറ്റിങ് നടത്താം. എറിക് യുവാന്‍ സ്ഥാപിച്ച സൂം 2019 ലാണ് പ്രവര്‍ത്തനം ആരംഭിച്ചതെങ്കിലും കൊവിഡിനെ തുടര്‍ന്ന് വര്‍ക്ക് അറ്റ് ഹോം തുടങ്ങിയതോടെയാണ് സൂമിന് പ്രചാരം വര്‍ധിച്ചത്.