മണ്ണാര്‍ക്കാട്: ഷെയ്ക്ക് അഹമ്മദ് ഹാജിയുടെ നിര്യാണത്തില്‍ വടശ്ശേരിപ്പുറം സര്‍ക്കാര്‍ ഹൈസ്‌കൂളില്‍ ചേര്‍ന്ന സ്റ്റാഫ് കൗണ്‍സില്‍ അനുശോചന യോഗം നടത്തി. തനിക്ക് ലഭിക്കാത്തത് തന്റെ നാട്ടുകാര്‍ക്ക് ലഭ്യമാകണമെന്ന ആഗ്രഹത്താല്‍ വടശ്ശേരിപ്പുറം ഗ്രാമത്തിന് ഒരു വിദ്യാലയം സ്ഥാപിച്ചതും, ഉറവ വറ്റാത്ത സ്‌നേഹത്തിന്റെയും കാരുണ്യത്തിന്റെയും സാമൂഹ്യ സേവനത്തിന്റെയും ഉജ്ജ്വല പ്രതീകമാണ് ഷെയ്ക്ക് അഹമ്മദ് ഹാജി എന്ന ചേക്കാമ്മു ഹാജിയെന്നും അനുശോചന യോഗം പറഞ്ഞു.
പ്രധാനാധ്യാപിക ജോളി ജോസഫ്, അധ്യാപകരായ എസ്. ശാലിനി, കെ. ആരിഫ്, കരിം അലനല്ലൂര്‍, ബിന്ദു, ആസ്യ, ഷീജ, രമ, ഉഷ സംബന്ധിച്ചു.