വെട്ടത്തൂര്‍: ഭാര്യയെ കുത്തിക്കൊലപ്പെടുത്തിയ കേസില്‍ ഭര്‍ത്താവ് വെട്ടത്തൂര്‍ കാര എല്‍.പി സ്‌കൂളിന് സമീപത്തെ തോരക്കാട്ടിങ്ങല്‍ പഴംതോട്ടുങ്ങല്‍ ചന്ദ്ര(42)നെ അറസ്റ്റുചെയ്തു. ഭാര്യയെ കൊലപ്പെടുത്തിയ ശേഷം അബോധാവസ്ഥയില്‍ ആശുപത്രിയിലായിരുന്ന ഇയാള്‍ ചികിത്സ കഴിഞ്ഞ് പുറത്തിറങ്ങിയപ്പോഴായിരുന്നു അറസ്റ്റ്. കഴിഞ്ഞ മാസം 29നായിരുന്നു കേസിനാസ്പദമായ സംഭവം. ചന്ദ്രന്റെ ഭാര്യ സരോജിനിയാണ് (44) കൊല്ലപ്പെട്ടത്. ഭാര്യയെ കൊലപ്പെടുത്തിയ ശേഷം അമിത അളവില്‍ മരുന്നുകഴിച്ച് അവശനിലയിലായിരുന്ന ചന്ദ്രന്‍ ആശുപത്രിയിലായിരുന്നു.
പ്രതിയെ ഇന്ന് പെരിന്തല്‍മണ്ണയിലെ കോടതിയില്‍ ഹാജരാക്കും.