കൂറ്റനാട്: പൊതു വിദ്യാലയങ്ങള്‍ നിലനിന്നാല്‍ മാത്രമെ സമൂഹത്തിന് യഥാര്‍ഥ വിദ്യാഭ്യാസം നല്‍കാന്‍ കഴിയുകയുള്ളുവെന്നും അതിനായി പൊതു വിദ്യാലയങ്ങള്‍ സംരക്ഷിക്കേണ്ടത് കാലഘട്ടത്തിന്റെ ആവശ്യമാണന്നും വി.ടി. ബല്‍റാം എം.എല്‍.എ പറഞ്ഞു. ചെമ്പലങ്ങാട് എസ്.വി.എ എല്‍.പി സ്‌ക്കൂള്‍ എണ്‍പത്തി ഒന്നാം വാര്‍ഷികവും യാത്രയയപ്പു സമ്മേളനവും ഉദ്ഘാടനം ചെയ്തു സംസാരിക്കുകയായിരുന്നു അദ്ധേഹം.
പഞ്ചായത്ത് പ്രസിഡന്റ് ടി. ശാന്തകുമാരിയുടെ അധ്യക്ഷതയില്‍ നടന്ന യോഗത്തില്‍ ജില്ലാ പഞ്ചായത്ത് മെമ്പര്‍ പി.പി. ഇന്ദിരാദേവി, സ്റ്റാന്റിങ് കമ്മിറ്റി ചെയര്‍പേഴ്‌സണ്‍ സജിതാ വിനോദ്, സ്‌കൂള്‍ മാനേജര്‍ പി.നന്ദിനി മേനോന്‍, എം.പി. മുഹമ്മദലി, ടി.യു. റൈഹാനത്ത്, ടി.കെ. ചേക്കുട്ടി, കെ. രാജേശ്വരി, ടി. സെയ്താലി, ടി.കെ.ഫാത്തിമ നിദ, കെ.പി. ബാസിത്, കെ. മുഹമ്മദലി, കെ. രാധാമണി, വി.പി. ജയ നാരായണന്‍ പ്രസംഗിച്ചു. ടി.യു മുഹമ്മദ് മുസ്തഫ സ്വാഗതവും ദാസ് പടിക്കല്‍ നന്ദിയും പറഞ്ഞു.