റോം: കൊവിഡ് താണ്ഡവമാടിയ ഇറ്റലിയില്‍ മരണത്തിന് കീഴടങ്ങിയവരില്‍ 100 ഡോക്ടര്‍മാരും 26 നഴ്‌സുമാരും. 6,549 നഴ്‌സുമാര്‍ കൊവിഡ് ബാധിതരായിട്ടുണ്ടെന്നും ഇറ്റാലിയന്‍ ഫെഡറേഷന്‍ ഓഫ് നഴ്‌സ് വക്താവ് പറയുന്നു.

18,279 പേരാണ് ഇവിടെ ഇതുവരെ മരണത്തിന് കീഴടങ്ങിയത്. വ്യാഴാഴ്ച മാത്രം 610 പേര്‍ മരിച്ചു. ആകെ രോഗബാധിതരുടെ എണ്ണം 1,43,632 ാണെന്നാണ് റിപ്പോര്‍ട്ട്. 12, 681 ആരോഗ്യപ്രവര്‍ത്തകരും ഇതില്‍ ഉള്‍പെടുന്നു.

ആശുപത്രികളില്‍ സുരക്ഷാ ഉപകരണങ്ങള്‍ക്ക് നേരിടുന്ന ക്ഷാമമാണ് ആരോഗ്യ പ്രവര്‍ത്തകര്‍ക്ക് ഭീഷണിയാവുന്നത്.