കോഴിക്കോട്: എം.എസ്.എം മേഖല ഭാരവാഹികള്‍ക്കായി സംഘടിപ്പിച്ച നേതൃശില്‍പശാല സംസ്ഥാന പ്രസിഡണ്ട് മുനവ്വര്‍ സ്വലാഹി ഉദ്ഘാടനം ചെയ്തു. ശാഖ, മേഖല, ജില്ലാ കാംപസ് തലങ്ങളില്‍ സംഘടിപ്പിക്കാനിരിക്കുന്ന അവധിക്കാല പ്രവര്‍ത്തനങ്ങള്‍ക്ക് ശില്‍പശാല അന്തിമരൂപം നല്‍കി.
ശാഖാതലങ്ങളില്‍ വിചാരവേദികള്‍, കൗതുകക്കൂട്ടം ബാലസംഗമങ്ങള്‍, മേഖലാ തലങ്ങളില്‍ ധാര്‍മിക മുന്നേറ്റത്തിന് വിദ്യാര്‍ഥി വിചാരം എന്ന പ്രമേയം മുന്‍നിര്‍ത്തി സംഘടിപ്പിക്കുന്ന മേഖല വിദ്യാര്‍ഥി സമ്മേളനങ്ങള്‍ തുടങ്ങിയവക്ക് സംഗമം അന്തിമരൂപം നല്‍കി.
ജില്ലാ പ്രസിഡന്റ് ജസീല്‍ കൊടിയത്തൂര്‍ അധ്യക്ഷനായ ചടങ്ങില്‍ എം.എസ്.എം സംസ്ഥാന ബാലവേദി വിങ് അംഗം സി.പി ശഹീര്‍, അനസ് ഫറോക്ക്, ഫവാസ് മാവൂര്‍, ഫഹീം അത്തോളി, സര്‍ജാസ് കൊടിയത്തൂര്‍, ഇഷ്ജാന്‍ സംബന്ധിച്ചു.