ഗൂഡല്ലൂര്‍: കാലവര്‍ഷം ശക്തമായതോടെ ചോര്‍ന്നൊലിക്കുന്ന കൂരകളില്‍ ഭീതിയോടെ കഴിയുകയാണ്തുറപ്പള്ളി ഇരുവയല്‍ ആദിവാസി കോളനിക്കാര്‍.
പത്തിലധികം കുടുംബങ്ങളുള്ള കോളനിയില്‍ അഞ്ചു കുടുംബങ്ങള്‍ക്ക് സര്‍ക്കാര്‍ വീടുവച്ചു നല്‍കിയിട്ടുണ്ട്. എന്നാല്‍ മറ്റു കുടുംബങ്ങള്‍ പ്ലാസ്റ്റിക് കൊണ്ടു മറച്ച ചെറിയ കൂരകളിലാണ് കഴിയുന്നത്. കാലവര്‍ഷം ശക്തമായതോടെ കൂരകള്‍ ചോര്‍ന്നൊലിക്കുകയാണ്.
കൂടാതെ ശക്തമായ കാറ്റടിച്ചാല്‍ നിലം പൊത്താവുന്ന തരത്തിലാണ് ഇവരുടെ കുടിലുകള്‍. കുട്ടികള്‍ ഉള്‍പെടെയുള്ളവരാണ് ഈ കുടിലുകളില്‍ ഭീതിയോടെ ജീവിക്കുന്നത്.
മഴക്കാലത്ത് ഏറെ ദുരിതം സഹിക്കുന്ന തങ്ങള്‍ക്ക് സര്‍ക്കാര്‍ വീട് നിര്‍മിച്ചു നല്‍കുമെന്ന പ്രതീക്ഷയിലാണ് കോളനിവാസികള്‍.