റിയാദ്: സഊദിയിൽ പെട്രോൾ വില കുറച്ചു. ദേശീയ എണ്ണകമ്പനിയായ സഊദി അരാംകോയാണ് ഇത് സംബന്ധിച്ച തീരുമാനം കൈകൊണ്ടത്. ശനിയാഴ്ച മുതൽ പുതുക്കിയ വില നിലവിൽ വരും. 91 ഇനം പെട്രോള്‍ ലിറ്ററിന് 1.31 റിയാലും 95 ഇനത്തിന് 1.47 റിയാലുമാണ് ഏപ്രില്‍ മാസത്തെ പുതുക്കിയ വില. നേരത്തെയിത് ലിറ്ററിന് 91 ഇനത്തിന് 1.55 റിയാലും 95 ഇനത്തിന് 2.05 റിയാലുമായിരുന്നു. 

     രാജ്യത്തെ ഇന്ധന വില ആഗോള എണ്ണ വിപണിയുമായി ബന്ധപ്പെട്ടതിനാൽ അന്താരാഷ്ട്ര വിപണിയിലെ മാറ്റങ്ങൾക്കനുസരിച്ച് വിലയിൽ മാറ്റം വരുത്തുന്നതിന്റെ ഭാഗമായാണ് നടപടിയെന്ന് അരാംകോ പ്രസ്താവനയിൽ വ്യക്തമാക്കി.