ജിദ്ദ: സ്ത്രീകളെ പോലെ ചമഞ്ഞു നടന്ന ഏഴു യുവാക്കളെ അറസ്റ്റ് ചെയ്തു. ഇവരുടെ വീഡിയോ ക്ലിപ്പ് സോഷ്യല്‍മീഡിയയില്‍ പ്രചരിച്ചതിന്റെ അടിസ്ഥാനത്തില്‍ നടത്തിയ അന്വേഷണത്തിലായിരുന്നു ജിദ്ദ പൊലിസ് അറസ്റ്റ് ചെയ്തത്.

ആറ് സ്വദേശികളും ഒരു വിദേശിയുമടങ്ങുന്ന സംഘമാണ് പിടിയിലായത്. ജിദ്ദ കോര്‍ണിഷിലെ ഹയാത്ത് പാര്‍ക്ക് ഹോട്ടലിനു സമീപമാണ് ഇവര്‍ സ്ത്രീവേഷം ധരിച്ച് കറങ്ങിയത്. പൊലിസ് നടത്തിയ അന്വേഷണത്തില്‍ വീഡിയോയില്‍ പ്രത്യക്ഷപ്പെട്ടവരും മറ്റ് രണ്ട്‌പേരെയുമാണ് അറസ്റ്റ് ചെയ്തത്. അറസ്റ്റ് ചെയ്യപ്പെട്ടവര്‍ വീഡിയോയില്‍ പ്രതൃക്ഷപ്പെട്ടവരാണെന്ന് സ്ഥിരികരിച്ചതിന്റെ അടിസ്ഥാനത്തില്‍ ഇവരെ പബ്ലിക്ക് പ്രോസിക്യൂഷന് അനന്തര നടപടിക്രമങ്ങള്‍ക്കായി കൈമാറിയിട്ടുണ്ട്.