വൈക്കം: വൈക്കം ആര്‍ട്ട്‌സ് ആന്‍ഡ് സ്‌പോര്‍ട്ട്‌സ് ക്ലബ്ബിന്റെ ആഭിമുഖ്യത്തില്‍ സൗജന്യ വോളിബോള്‍ കോച്ചിങ് ക്യാംപ് ആരംഭിച്ചു. കച്ചേരിക്കവലയിലുള്ള ഗ്രൗണ്ടില്‍ നടക്കുന്ന ക്യാംപിന്റെ ഉദ്ഘാടനം വൈക്കം പൊലിസ് സബ് ഇന്‍സ്‌പെക്ടര്‍ എം.സാഹില്‍ നിര്‍വഹിച്ചു. ക്ലബ്ബ് പ്രസിഡന്റ് കെ.ലളിതന്‍ അധ്യക്ഷനായി.
ചടങ്ങില്‍ സ്‌പോര്‍ട്ട്‌സ് വിഭാഗം കണ്‍വീനര്‍ ഷാജി വല്ലൂത്തറ, ശിവദാസ് നാരായണന്‍, വിന്‍സന്റ് കളത്തറ, ബി.ഐ പ്രദീപ്കുമാര്‍, പി.സി രാമചന്ദ്രന്‍ നായര്‍ എന്നിവര്‍ പ്രസംഗിച്ചു. ദേശീയ കോച്ച് ബേബി ജോസഫ് ആണ് ക്യാംപിന് പരീശീലനം നല്‍കുന്നത്.