ജയ്പൂര്‍: ഒന്നര വര്‍ഷത്തിനിടെ നൂറിലധികം കാറുകള്‍ മോഷ്ടിച്ച പെരുങ്കള്ളനെയും കൂട്ടാളികളേയും പൊലിസ് വലയിലാക്കി. രാജസ്ഥാനിലെ ജയ്പൂരിലാണ് സംഭവം. മോഷ്ടിച്ചവയില്‍ 60 എണ്ണം ആഡംബര കാറുകളായിരുന്നു.രാഹുല്‍ എന്നറിയപ്പെടുന്ന രാജേഷ് മീണ(38)യാണ് അറസ്റ്റിലായത്. അത്യാധുനിക സാങ്കേതിക വിദ്യയുപയോഗിച്ചാണ് അതിവിദഗ്ധ മോഷണം. ട്രാന്‍സ്മിറ്ററുകളും ഇലക്ട്രോണിക് ചിപ്പുകളും ഇയാളില്‍ നിന്നു കണ്ടെടുത്തു.മോഷ്ടിച്ച മൂന്നു കാറുകളും രണ്ടു ബൈക്കുകളും പിടികൂടുമ്പോള്‍ ഇയാളുടെ ഒളിത്താവളത്തില്‍ ഉണ്ടായിരുന്നു.സംഭവത്തില്‍ കൂടുതല്‍ അന്വേഷണത്തിനു തയാറെടുക്കുകയാണ് ജയ്പൂര്‍ പൊലിസ്