പേരാവൂര്‍ : നെടുംപൊയില്‍- മാനന്തവാടി റോഡിലെ 29-ാം മൈലിനു സമീപം റോഡരികില്‍ ചത്ത നിലയില്‍ കണ്ടെത്തിയ പുലിയെ പോസ്റ്റ് മോര്‍ട്ടത്തിന് ശേഷം ദഹിപ്പിച്ചു.
ആന്തരിക അവയവങ്ങള്‍ കോഴിക്കോട് കെമിക്കല്‍ ലാബിലേക്ക് പരിശോധനയ്ക്ക് അയച്ചു. ഇതിന്റെ ഫലം കിട്ടിയ ശേഷമേ മരണകാരണം വ്യക്തമാവുകയുള്ളു.
വിഷാംശമോ പ്ലാസ്റ്റിക് മാലിന്യമോ പുലിയുടെ വയറ്റില്‍ നിന്ന് കണ്ടെത്തിയിട്ടില്ല.വാഹനമിടിച്ചു പരുക്കേറ്റതാണ് മരണകാരണമെന്നാണ് പ്രാഥമിക നിഗമനം.
ആറുവയസുള്ള ആണ്‍പുലിയെയാണ് മരിച്ച നിലയില്‍ കണ്ടെത്തിയത്. നെടുംപൊയില്‍ വനംവകുപ്പ് ഓഫിസ് വളപ്പിലാണ് പോസ്റ്റ്‌മോര്‍ട്ടം നടന്നത്.