തവനൂര്‍: സ്റ്റുഡന്റ് പൊലിസ് കേഡറ്റ് ജില്ലാതല സമ്മര്‍ വെക്കേഷന്‍ ക്യാംപ് പുനര്‍ജനി 2017ന് കടകശ്ശേരി ഐഡിയല്‍ കാംപസില്‍ തുടക്കമായി. മലപ്പുറം ഡിവൈ.എസ്.പി എ.എസ് രാജു പതാക ഉയര്‍ത്തി. ജില്ലാ കലക്ടര്‍ അമിത് മീണ ഉദ്ഘാടനം ചെയ്തു.
കോഴിക്കോട് എസ്.പി യു. അബ്ദുല്‍ കരീം അധ്യക്ഷനായി. ആലംകോട് ലീലാകൃഷ്ണന്‍ മുഖ്യപ്രഭാഷണം നടത്തി. അഞ്ചു ദിവസങ്ങളിലായി നടക്കുന്ന ക്യാംപില്‍ ജില്ലയിലെ 35 സ്‌കൂളകളില്‍നിന്നായി 550 കേഡറ്റുകളാണ് പങ്കെടുക്കുന്നത്.
എസ്.പി.സി ജില്ലാ നോഡല്‍ ഓഫിസര്‍ കെ. അബ്ദുല്‍ റഷീദ്, തവനൂര്‍ ഗ്രാമപഞ്ചായത്ത് പ്രസിഡന്റ് സുബ്രഹ്മണ്യന്‍, തിരൂര്‍ ഡിവൈ.എസ്.പി ഉല്ലാസ്, സ്‌പെഷല്‍ ബ്രാഞ്ച് ഡിവൈ.എസ്.പി അശോക് കുമാര്‍, കെ.കെ.എസ് ആറ്റക്കോയ തങ്ങള്‍, മാനേജര്‍ മജീദ്, ചിത്ര ഹരിദാസ്, പ്രിയ അരവിന്ദ് സംസാരിച്ചു.