കരുളായി: കരുളായി യതീംഖാന വാര്‍ഷികത്തിന് തുടക്കമായി. പാണക്കാട് സയ്യിദ് ശഹീറലി ശീഹാബ് തങ്ങള്‍ ഉദ്ഘാടനം ചെയ്തു. യതീംഖാന കമ്മിറ്റി വര്‍ക്കിങ് പ്രസിഡന്റ് എം രായിന്‍കുട്ടി മുസ്‌ലിയാര്‍ അധ്യക്ഷനായി. അബൂ ഷമ്മാസ് മൗലവി മുഖ്യ പ്രഭാഷണം നടത്തി.
സലീം എടക്കര, പുത്തനഴി മൊയ്തീന്‍ ഫൈസി, ടി.കെ അബ്ദുല്ലക്കുട്ടി മാസ്റ്റര്‍, ശിഹാബുദ്ദീന്‍ റഹ്മാനി, ചെമ്മല നാണിഹാജി, ടി.പി സിദ്ദീഖ്, കക്കോടന്‍ അബ്ദുല്‍ നാസര്‍, കണ്ണന്‍കുളവന്‍ ബാപ്പുട്ടി, കെ.പി മുജീബ് മുസ്‌ലിയാര്‍, വി.ടി നിയാസ് ഫൈസി, എം.ടി മുഹമ്മദാലി, ടി.പി ഇബ്രാഹീം, എന്‍ അര്‍ഷദ് ഖാന്‍ സംസാരിച്ചു.
വൈകിട്ട് 4.30ന് കരുളായി ജുമാ മസ്ജിദില്‍ സിയാറത്തോടെയാണ് സമ്മേളന പരിപാടികള്‍ക്ക് തുടക്കമായത്. പയ്യുണ്ണി ചെറിയാപ്പുഹാജി പതാക ഉയര്‍ത്തി.
ഞായറാഴ്ച വൈകിട്ട് നടന്ന പ്രാസ്ഥാനിക സമ്മേളനം ഇസ്ഹാഖ് ഫൈസി ചാമപ്പറമ്പ് ഉദ്ഘാടനം ചെയ്തു. ജലീല്‍ റഹ്മാനി വാണിയന്നൂര്‍ പ്രസംഗിച്ചു.
തിങ്കളാഴ്ച വൈകിട്ട് ഏഴിന് നടക്കുന്ന സമാപന സമ്മേളനം സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് ജിഫ്രിമുത്തുക്കോയ തങ്ങള്‍ ഉദ്ഘാടനം ചെയ്യും.
എസ്.എൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍, പി.വി അന്‍വര്‍ എം.എല്‍.എ, സയ്യിദ് അബ്ദുല്‍ നാസര്‍ ഹയ്യ് ശിഹാബ് തങ്ങള്‍ സംസാരിക്കും.