തിരുവനന്തപുരം: സംസ്ഥാനത്ത് ഇന്ന് 10 പേര്‍ക്ക് കൊറോണ സ്ഥിരീകരിച്ചതായി മുഖ്യമന്ത്രി പിണറായി വിജയന്‍ പറഞ്ഞു. 19 പേരുടെ ഫലം ഇന്ന് നെഗറ്റീവായി. ഇന്ന് കൊറോണ സ്ഥിരീകരിച്ചവരില്‍ മൂന്നു പേര്‍ വിദേശത്തു നിന്ന് വന്നവരാണ്. ഏഴ് പേര്‍ക്ക് രോഗികളുമായുള്ള സമ്പര്‍ക്കത്തിലൂടെയാണ് പകര്‍ന്നത്.

കണ്ണൂര്‍- 7
കാസര്‍- 2
കോഴിക്കോട്- 1

ഇന്ന് 19 പേർ കൂടി രോഗമുക്തരായി. കാസർകോട് 9, പാലക്കാട് 4, തിരുവനന്തപുരം 3, ഇടുക്കി 2, തൃശൂർ 1 -എന്നിങ്ങനെയാണ് രോഗം ഭേദമായവർ.  സംസ്ഥാനത്ത് ഇതുവരെ 373 പേർക്ക് രോഗം സ്ഥിരീകരിച്ചിട്ടുണ്ട്. 228 പേരാണ് ചികിത്സയിലുള്ളത്.

സംസ്ഥാനത്ത് 1,23,490 പേർ നിരീക്ഷണത്തിലുണ്ട്. ഇതിൽ 1,22,676 പേർ വീടുകളിലാണുള്ളത്. 814 പേർ ആശുപത്രിയിലും നിരീക്ഷണത്തിൽ കഴിയുന്നു. 201 പേരെ ഇന്ന് ആശുപത്രിയിൽ പ്രവേശിപ്പിച്ചു. 14,163 സാമ്പിളുകൾ പരിശോധനയ്ക്ക് അയച്ചു. ഇതിൽ 12,818 സാമ്പിളുകൾക്ക് രോഗബാധയില്ലെന്ന് സ്ഥിരീകരിച്ചിട്ടുണ്ട്.