മട്ടാഞ്ചേരി: സാങ്കേതിക കാരണങ്ങളാല്‍ തടസപ്പെട്ടു കിടക്കുന്ന ചെല്ലാനം ഭാഗത്തെ കടല്‍ഭിത്തി സംബന്ധിച്ച മുഴുവന്‍ ജോലികളും അടിയന്തിരമായി തീര്‍ക്കാന്‍ തീരുമാനം.
ഉദ്യോഗസ്ഥരുമായി എം.എല്‍.എ നടത്തിയ യോഗത്തിലാണ് ഇത് സംബന്ധിച്ച തീരുമാനം എടുത്തത്. ചെറിയ കടവ്,കമ്പനി പടി എന്നിവടങ്ങളിലെ നാല് വര്‍ക്കുകളും അടിയന്തിര കടല്‍ഭിത്തി നിര്‍മ്മാണത്തില്‍ ഉള്‍പ്പെട്ടിട്ടുള്ള പഞ്ചായത്തിലെ മറ്റ് എട്ട് വര്‍ക്കുകളും ഉടനടി പൂര്‍ത്തിയാക്കും. ഇതിനായി എല്ലാ വകുപ്പുകളുടേയും ഏജന്‍സികളുടേയും പ്രവര്‍ത്തനം ഏകോപിപ്പിക്കും. ഇത് സംബന്ധിച്ച് ചേരുന്ന രണ്ടാമത്തെ യോഗമാണിത്.
യോഗത്തില്‍ ചെല്ലാനം പഞ്ചായത്ത് പ്രസിഡണ്ട് മേഴ്‌സി ജോസി, ഇറിഗേഷന്‍ വകുപ്പ് എക്‌സിക്യൂട്ടീവ് എഞ്ചിനീയര്‍ ഷുക്കൂര്‍ തുടങ്ങിയവര്‍ പങ്കെടുത്തു. കടല്‍ക്ഷോഭം രൂക്ഷമായ പ്രദേശങ്ങളില്‍ കെ.ജെ മാക്‌സി എം.എല്‍.എ സന്ദര്‍ശിച്ചു. ആലുങ്കല്‍ കടപ്പുറം,മറുവക്കാട് അടക്കമുള്ള പ്രദേശങ്ങളാണ് സന്ദര്‍ശിച്ചത്.