പാലക്കാട്: ജില്ലാ മുസ്‌ലിംലീഗ് കമ്മിറ്റിയുടെ ആഭിമുഖ്യത്തില്‍ നടത്തിയ സൗഹൃദസംഗമവും ഇഫ്ത്താര്‍മീറ്റും ശ്രദ്ധേയമായി. വൈകീട്ട് 5.30ന് സായൂജ്യം റസിഡന്‍ഷിയില്‍ നടന്ന ഇഫ്ത്താര്‍മീറ്റില്‍ മത-രാഷ്ട്രീയ-സാമൂഹിക-സാംസ്‌കാരിക-മാധ്യമരംഗത്തെ പ്രമുഖര്‍ പങ്കെടുത്തു. വര്‍ത്തമാന ഇന്ത്യയില്‍ മതസൗഹാര്‍ദ്ദത്തിന്റെയും ഐക്യത്തിന്റെയും പ്രസക്തി അനിവാര്യമാണെന്ന് വിളിച്ചോതിക്കുന്നതായിരുന്നു സംഗമം. മുസ്‌ലിംലീഗ് സംസ്ഥാന വൈസ്പ്രസിഡന്റ് സി.എ.എം.എ കരീം ഇഫ്ത്താര്‍മീറ്റ് ഉദ്ഘാടനം ചെയ്തു. ജില്ലാ മുസ്‌ലിംലീഗ് സീനിയര്‍ വൈസ്പ്രസിഡന്റ് എം.എം ഹമീദ് അധ്യക്ഷത വഹിച്ചു. ജനറല്‍സെക്രട്ടറി മരക്കാര്‍ മാരായമംഗലം സ്വാഗതം പറഞ്ഞു. വിവിധ കക്ഷിനേതാക്കളായ വി.എസ് വിജയരാഘവന്‍ എക്‌സ് എം.പി, ജില്ലാ കോണ്‍ഗ്രസ് പ്രസിഡന്റ് വി.കെ ശ്രീകണ്ഠന്‍, യു.ഡി.എഫ് ചെയര്‍മാന്‍ എ.രാമസ്വാമി, സി.ചന്ദ്രന്‍, പി.വി രാജേഷ്, സി.പി.ഐ ജില്ലാ കമ്മിറ്റിയംഗം കൃഷ്ണന്‍കുട്ടി, എന്‍.സി.പി ജില്ലാ പ്രസിഡന്റ് ഓട്ടൂര്‍ ഉണ്ണികൃഷ്ണന്‍, ഫോര്‍വേര്‍ഡ് ബ്ലോക്ക് ജില്ലാ സെക്രട്ടറി രാജേന്ദ്രന്‍നായര്‍, ആര്‍.എസ്.പി ജില്ലാ സെക്രട്ടറി ടി.എം ചന്ദ്രന്‍, ജമാഅത്തെ ഇസ്‌ലാമി ജില്ലാ പ്രസിഡന്റ് ഹക്കീം നദ്‌വി, എസ്.വൈ.എസ് സംസ്ഥാന വൈസ്പ്രസിഡന്റ് പി.കെ ഇമ്പിച്ചിക്കോയ തങ്ങള്‍, പ്രസ്‌ക്ലബ് പ്രസിഡന്റ് സി.കെ ശിവാനന്ദന്‍, സെക്രട്ടറി എന്‍.എ.എം ജാഫര്‍, വെല്‍ഫെയര്‍പാര്‍ട്ടി ജില്ലാ പ്രസിഡന്റ് എം.സുലൈമാന്‍, ഐ.എസ്.എം ജില്ലാ സെക്രട്ടറി സാദിഖ്, മുസ്‌ലിംലീഗ് ജില്ലാ നേതാക്കളായ എന്‍.ഹംസ, യു.ഹൈദ്രോസ്, പൊന്‍പാറ കോയക്കുട്ടി, പി.ടി മുഹമ്മദ്, അയിലൂര്‍ അബ്ദുല്‍റഹീം, കെ.ബി.എ സമദ്, കല്ലടി അബൂബക്കര്‍, പി.എ സലാം മാസ്റ്റര്‍, എം.എസ് നാസര്‍, എം.എസ് അലവി, അഡ്വ.മുഹമ്മദലി മറ്റാംതടം, പി.പി അന്‍വര്‍സാദത്ത്, സി.എ സാജിത്, എം.വീരാന്‍ഹാജി തുടങ്ങിയവര്‍ പ്രസംഗിച്ചു. മുസ്‌ലിംലീഗ് ജില്ലാ ട്രഷറര്‍ പി.എ തങ്ങള്‍ നന്ദി പറഞ്ഞു.