ലണ്ടന്‍: വിംബിള്‍ഡണിലെ പുരുഷ വിഭാഗം സിംഗിള്‍സില്‍ ബ്രിട്ടീഷ് താരം ആന്‍ഡി മുറെ നാലാം റൗണ്ടില്‍ കടന്നു. ആസ്‌ത്രേലിയയുടെ ജോണ്‍ മില്‍മാനെയാണ് പരാജയപ്പെടുത്തിയത്. സ്‌കോര്‍ 6-3, 7-5, 6-2. മൂന്നു സെറ്റ് നീണ്ട പോരാട്ടത്തില്‍ അനായാസമാണ് മുറെ മത്സരം സ്വന്തമാക്കിയത്. രണ്ടാം സെറ്റില്‍ ആസ്‌ത്രേലിയന്‍ താരം വെല്ലുവിളിയുയര്‍ത്തിയെങ്കിലും പരിചയസമ്പത്തിലൂടെ മുറെ സെറ്റ് സ്വന്തമാക്കുകയായിരുന്നു.

സിംഗിള്‍സിലെ മറ്റു പോരാട്ടങ്ങളില്‍ കിര്‍ഗിയോസ്, ബെറിഡിച്ച്, സോംഗ എന്നിവര്‍ നാലാം റൗണ്ടില്‍ കടന്നു. ബെറിഡിച്ച് ജര്‍മനിയുടെ അലക്‌സാന്‍ഡര്‍ സ്വെറേവിനെയാണ് പരാജയപ്പെടുത്തിയത്. സ്‌കോര്‍ 6-3, 6-4, 6-4, 1-6. കിര്‍ഗിയോസ് ലോപ്പസിനെയാണ് വീഴ്ത്തിയത്. സ്‌കോര്‍ 6-3, 7-6, 6-3, 6-4. സോംഗ കടുത്ത പോരാട്ടത്തില്‍ ഇസ്‌നറെ വീഴ്ത്തി. സ്‌കോര്‍ 7-6, 6-3, 6-7, 2-6, 19-17.
വനിതാ വിഭാഗം സിംഗിള്‍സില്‍ ആധികാരിക ജയത്തോടെ സെറീന വില്യംസ് നാലാം റൗണ്ടില്‍ കടന്നു. ജര്‍മനിയുടെ അനിക ബെക്കിനെയാണ് പരാജയപ്പെടുത്തിയത്. സ്‌കോര്‍ 6-3, 6-0. മറ്റു മത്സരങ്ങളില്‍ മകരോവ, കുസ്‌നെട്‌സോവ, എന്നിവരും നാലാം റൗണ്ടില്‍ കടന്നു.

സാനിയ-ഹിംഗിസ് സഖ്യം മൂന്നാം റൗണ്ടില്‍

ലണ്ടന്‍:വിംബിള്‍ഡണ്‍ വനിതാ വിഭാഗം ഡബിള്‍സില്‍ മാര്‍ട്ടിന ഹിംഗിസ്- സാനിയ മിര്‍സ സഖ്യം മൂന്നാം റൗണ്ടില്‍ കടന്നു. ഹോസുമി-കാറ്റു സഖ്യത്തെയാണ് പരാജയപ്പെടുത്തിയത്. സ്‌കോര്‍ 6-3, 6-1. അതേസമയം പുരുഷ വിഭാഗം ഡബിള്‍സില്‍ രോഹന്‍ ബൊപ്പണ്ണ-ഫ്‌ളോറിന്‍ മെര്‍ജിയ സഖ്യം രണ്ടാം റൗണ്ടില്‍ കടന്നു. ഡ്രാഗാന്‍ജ-മെക്റ്റിക് സഖ്യത്തെയാണ് വീഴ്ത്തിയത്. സ്‌കോര്‍ 7-5, 7-6.